منتدى قبيلة الحبون والقبائل العربية فى مصر والوطن العربى
اهلا بك عزيزى/ الزائر عزيزتى الزائرة
فى منتدى قبيلة الحبون والقبائل العربية
نتمنى ان تقضى وقتا ممتعا ومفيدا معنا فى مربوعة القبيلة
يسعدنا التسجيل والمشاركة معنا فى المربوعة
للاستفسار
مشرف المنتدي
الاستاذ خالد الحبوني
01121842441
مؤرخ القبيلة
الاستاذ عرفات الحبوني
01129299465
م/منصور الحبوني مدير المنتدي
01000350399
01140396006

منتدى قبيلة الحبون والقبائل العربية فى مصر والوطن العربى

تعالوا معنا فى بيت بادية قبيلة حبون
 
الرئيسيةموقع القبيلةمكتبة الصوربحـثالأعضاءالتسجيلدخول
اهلا بعمد ومشايخ وشباب قبيلة حبون بمصر والوطن العربي وبكل القبائل العربية نتمني لكم وقتا مفيدا فى منتدي القبيلة


تتقدم اسرة منتدى قبيلة حبون بأحر التهانى للشعب المصرى والامة الاسلامية والقبائل العربية بمناسبة حلول عيد الفطر المبارك اعاده الله علينا وعلى الامة الاسلامية بالخير واليمن والبركات

شاطر | 
 

  مقترحات عشان مستقبلنا كلنا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
حبونى على طول
Admin
avatar

عدد المساهمات : 751
نقاط : 2017
تاريخ التسجيل : 02/10/2009

مُساهمةموضوع: مقترحات عشان مستقبلنا كلنا   الجمعة مارس 25, 2011 4:39 pm

مقترحات عشان مستقبلنا كلنا

رأيي ان الوقت الفاصل ضيق جدا قبل الانتخابات و أضيق قبل تعديل الدستور....
وأنا موش مختلف مع اللي عايزين ياخدوا حقهم من الماضي ولا مختلف مع اللي
عايزين يطووا الصفحة و يبتدو من جديد.... سواء اختلفنا أو اتفقنا أو
اتخانقنا \ في الآخر مسيرنا لانتخابات مجلس شعب ورياسة

وبتصور ان تغيير القوانين والدستور والعملية الانتخابية هما أكتر حاجة حتأثر على مستقبلنا كلنا ولمدة خمس سنين جايين على الأقل

لو في حد مننا عنده اقتراح و الأغلبية في الجروب وافقت عليه يا ريت
نرفعه باسم الجروب لأخذ الرأي العام سواء في التليفزيون أو جروبز النت عشان
نلحق نطلب تنفيذه ويلحق يتنفذ قبل ميعاد الانتخابات


و أرجوك يا كل من تقرأ الآن.... الاقتراح طالما اتحط على الورق بقى
ملك للكل .... أرجوك اختلف معايا وغيّر اللي انت عايزه في الاقتراحات اللي
جاية دي سواء في التفاصيل أو الموضوع... واتأكد اني نسيت اقتراحي المرفوض
وحلتزم بتأييد وتنفيذ اقتراحك اللي الأغلبية قبلته... مجالات الاقتراحات
كتير (سياسة\ اقتصاد\ اجتماع\ تعليم\ صحة\ انتاج\ صناعة\ زراعة\ تجارة\
بناء\ نقل\ مرور\ اتصالات\ معلومات...الخ) وابعته باسمك سواء هنا أو للي
انت تعرفهم واحنا لسة سلطة الشفافية في ادينا.... عشان مصلحتي ومصلحتك ....
قبل ما نكتشف اننا ضيعنا مستقبل ولادنا بسكوتنا وعدم مشاركتنا في وقت كان
مسموح وممكن للجميع انهم يشاركوا في صنع مستقبلهم

واللي جاي أهداف ومقترحات يا ريت يتم التصويت عليها وتطويرها

الهدف 1 : زيادة عدد الناخبين و ضمان نزاهة الانتخابات
المقترح 1 : الانتخاب بتحقيق الشخصية و يتجمع على داتا بيز زي الرقم
القومي أوالرقم التأميني نشوف أنهي فيهم الأشمل والأأمن ونطلب من القضاء
المشرف على الانتخابات يعمل له أكسيس على النت مع تصنيفه طبقا للدوائر
الانتخابية و يعمل هايد للأرقام و البيانات الشخصية عدا الاسم طبعا و في
حالة تشابه الأسماء ينضاف بيان تاني يفرق ما بينهم بحيث ان حضرتك تروح
اللجنة تنتخب و ناس في اللجنة تعمل للي كتبته داتا انتري على النت فتخش على
السايت تعمل سيرش وتتأكد بنفسك من صحة صوتك أو صوت غيرك و لو عايز تراجع
على الحكومة العدد كمان تقدر تعملها\ كمان قانون يسمحلك انك تاخد صورة من
اللي انت كتبته في اللجنة (صوتك الانتخابي) ممضية من القاضي المشرف أنها
طبق الأصل\ يعني يبقى معاك مستند يثبت اللي انت كتبته\ موش تسيب الورقة و
تمشي\ ده انا لما بسلم عدة تيليفون بآخد وصل من السنترال انهم استلموها
يبقى لما اسلم صوتي الأنتخابي ما آخدش منه صورة؟

الهدف 2 : ضمان
صحة صوت عضو مجلس الشعب في أي تصويت داخل المجلس بحيث تختفي الى الأبد جملة
"الموافق يتفضل برفع يده موافقة" واللي اتعودنا انها بتتقال في ثانيتين
بالكتير\ أعتقد ان التصويت الالكتروني حيبقى أكتر حاجة الشعب يشك فيها\
المقترح 2 : يتعاد تصميم صالة مجلس الشعب بحيث يتعمل فيها تلات أماكن
بالاضافة لأماكن الجلوس: مكان للموافقين و مكان للرافضين ومكان للممتنعين
عن التصويت وجلسات مجلس الشعب تتذاع على سايت المجلس و في التليفزيون على
الهوا\ وعند لحظة التصويت للقرار ينتقل كل عضو للمكان الخاص بقراره و تبقى
الصورة مسجلة على عينك يا تاجر لكل الشعب ويطلع عنوان تحت الشاشة على ايه
الموضوع اللي تم التصويت عليه\

الهدف 3 : ضمان جدية تمثيل عضو مجلس الشعب لدايرته وأنه شغال بجد
المقترح 3 : يسن قانون بوجوب اجتماع أسبوعي مفتوح للنائب (زي ما كان
بيعمل في مرحلة الدعاية الانتخابية) مع دايرته ووجوب نشره على النت على
الهوا للشفافية لكل الدوائر\ يعني تدخل على الويب سايت لمجلس الشعب تلاقي
دايرة كذا تدخلها تلاقي الاجتما ع الأسبوعي تشوفه على الهوا و تعمل داونلود
للاجتماع بتاع تاني أسبوع في الشهر قبل اللي فات\ كمان يسمح للنائب
بالتغيب عن 10% كحد أقصى من اجتماعات الدايرة الأسبوعية أو الجلسات الدورية
لمجلس الشعب لأسباب مقبولة من رئيس المجلس واذا تعدى النسبة دي في نهاية
أول أو أي سنة نيابية يتم الغاء عضويته و اعادة الانتخابات في دايرته و
منعه من الترشيح في أي انتخابات نيابية مقبلة سواء للمحليات أو لمجلس
الشعب\

الهدف 4 : ضمان استمرارية النائب في تنفيذ مهامه طبقا لمصلحة أهل دايرته
المقترح 4 : يسن قانون يسمح لنصف عدد الناخبين بدايرته كل 6 شهور مثلا
بتقديم طلب موثق بتوقيعاتهم لرئيس مجلس الشعب لأسقاط عضوية النائب واعادة
الانتخابات في الدايرة\ وبكدة يبقى النائب عنده موسمين في السنة لازم يأكد
فيهم لدايرته انه عند مطالبهم و احتياجاتهم\ موش قاعد على قلبهم 4 أو 5
سنين بالعافية\ يعني لو الدائرة شافت ان نائبها غير كفء من حقها تسقط
عضويته\ و النائب كمان من حقه ياخد فترة كافية يثبت فيها كفاءته\ ما أعتقدش
ان 6 شهور قليلين\

الهدف 5 : تقليل دور التأثر الشخصي للناخب في قراره باختيار المرشح
المقترح 5 : يتعمل استفتاء شعبي غلي صيغة موحدة لجدول ثابت يشمل بنود
البرنامج الانتخابي (لمرشحي مجلس الشعب أو رئاسة الجمهورية) والتي يجب أن
تغطي كل نواحي الحياة للمواطن المصري وحقيقة وضع مصر وترتيبها بالأرقام بين
دول العالم طبقا لمعايير يضعها علمائنا المنتشرين في كل مكان في العالم \
ويسن قانون بالزام المرشح لملأ خانات الجدول بمقترحاته وتحديد أهدافه على
الجدول الثابت بأرقام واضحة وتواريخ محددة وطبقا لمعايير علمية وتنسيب
للمعدلات العالمية \ وكدة تبتدي الناس تدورعلى مصلحتهم بشكل عملي وعلمي
بعيد عن الشخصنة\ وتنتخب برنامج العمل اللي حيحقق لها مصالحها بدل ما تنتخب
الشخص اللي اتعلقت بيه\ ويعاد الاستفتاء الشعبي على محتوي الجدول الثابت
وصيغته قبل كل انتخابات لتعديله بما يناسب الظروف وقتها\

الهدف 6 (خلاص ده آخر واحد): تحقيق الرقابة الحقيقية و المؤثرة لمجلس الشعب على الحكومة
المقترح 6 : ببساطة قطع خط مصلحة النائب اللي تحت ضرس الحكومة\ عن طريق
الغاء الجزء المعيب في أواخر القوانين واللوايح التنفيذية اللي بينص على
"استثناء ما يراه الوزير المختص" من القانون\ واللي خلى تأشيرة و توقيع
الوزير هما الطريق لتجاهل القوانين و تحقيق مصالح غير قانونية (ويا للعجب
بشكل قانوني) استفاد منها عضو مجلس الشعب اما لحسابه الشخصي أو عشان يحقق
لنفسه شعبية مبنية على الفساد بين أهل دايرته\ اللي أعرفه هو ان الوزير
سلطة تنفيذية\ يعني بينفذ القانون \ لو القانون بيعوقه عن تطوير العمل في
مجال وزارته يبقى الوزير يرفع طلب لمجلس الشعب بتغيير القانون\ لأن ببساطة
ايه معنى القانون اللي السلطة التنفيذية تنفذ منه فقط الأجزاء اللي تعجبها
في وقت ما يعجبها ؟\ رأيكم ايه نشيل استثناء الوزير والا نسيبه؟


_________________

الرجوع الى أعلى الصفحة اذهب الى الأسفل
http://habony.ahlamontada.net
حبونى على طول
Admin
avatar

عدد المساهمات : 751
نقاط : 2017
تاريخ التسجيل : 02/10/2009

مُساهمةموضوع: رد: مقترحات عشان مستقبلنا كلنا   الجمعة مارس 25, 2011 4:45 pm

الهدف 7 : تحقيق الرقابة الحقيقية للشعب (من خلال نوابه بمجلس الشعب) على
رئيس الجمهورية وتجنب الخسائر الاقتصادية والأمنية المصاحبة للثورات

المقترح 7 : تصور معايا لو الشعب عبر عن رأيه لنوابه في اجتماعاتهم
الدورية بأهل دوايرهم\ و أغلبيتهم اتفقوا على ضرورة اقالة الرئيس\ الحقيقة
هي موش فارقة معايا اذا كانت ديموقراطية رئاسية أو برلمانية\ لكن على أي
حال تصور لو فيه بند في الدستور بيدي الحق لأغلبية أعضاء مجلس الشعب (سواء
النصف أو التلتين أو التلات أرباع حسب ما نتفق) الحق في تقديم طلب للتصويت
بمجلس الشعب على اقالة الرئيس\ أعتقد ده يوفر على كل الشعب كتير من
الخسائر الأمنية و الاقتصادية اللي حتكون تمن لازم يدفع أثناء مماطلة
الرئيس و تمسكه بالكرسي زي ما شوفنا\ أعتقد في تناقض كبير ان الشعب يختار
رئيس في انتخابات حرة و بعدين ييجي الرئيس ويبقى من حقه حل مجلس نواب الشعب
اللي اختاره\ أعتقد ان من المنطق ان الشعب اللي اختار الرئيس هو اللي من
حقه يقيل الرئيس\ وبدل ما يبقى البديل الوحيد انه يقيله بثورة أعتقد ان
الأأمن والأسلم و الأوفر ان الشعب يقيل الرئيس من خلال نوابه\ ايه رأيكم؟

_________________

الرجوع الى أعلى الصفحة اذهب الى الأسفل
http://habony.ahlamontada.net
 
مقترحات عشان مستقبلنا كلنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى قبيلة الحبون والقبائل العربية فى مصر والوطن العربى :: مصر الحبيبة :: بلادى الغالية-
انتقل الى: