حبونى على طول
Admin
عدد المساهمات : 751
نقاط : 2017
تاريخ التسجيل : 02/10/2009
 | موضوع: حبيت اشاركم بقصيده شعبيه ليبيه هي اروع ما يكون في تصنيف الناس واوصافهم وارجو ان تنال اعجابكم:  السبت ديسمبر 18, 2010 7:45 am | |
|
اوصافهم كثيرة , وفعلا هناك لذة بإن نتعرف على صفات البعض منهم , وكل
شخص يختلف عن الاخر , خصوصاً إن لكل شخص صفة قوية تسيطر على شخصيته , انظروا بانفسكم و قولو اي وحده من هالصفات فيكم اكثر شي..
صاحب مبدأ
انسان يمشي وحاطط المبدأ بالامام
يمشي عكس الريح…ولا يهتم بالتهم والتجريح
وتلقاه اخر اليوم ينام.. وباله مستريح
ضميره حي
هذا اكبر معذب…حياته تعب في تعب
لان كل شيء ماشي غلط
وهو وضميره الحي..عكس اللعب
وللاسف .. مكانه تحت الاقدام
????: معهد هاك http://forum.thesoftwaregames.com/showthread.php?t=8651
الصادق والصريح
دايما صدقه يدخله في متاهات
وضوحه يبعده عن اللعب تحت الطاولات
وصراحته تمنعه من أسلوب خذ وهات
لسانه ما ينطق الكذبة
خاف ربه… وصفى قلبه
ونهايته تكون…قطع اللسان..
خدوم
لا يفشل احد اذا طلب مساعدة منه
يشتغل للناس بعالي الهمه…وحب الغير… يمشي مع دمه
ونهايته تكون.. جحود ونكران
الحساس
انسان بشعوره محتاس…لان الموازين انقلبت
وصارت الرجلين…في محل الراس
الحساس…ينجرح ولا يجرح
ينغدر به ولا يفكر بالغدر
ويقول هذا القدر…يوم ينطعن بالظهر
ولا لمشاكله نهاية
يعيش بمجتمع وحشي…وهو بعيشته حيران
الطيب
انسان… بكل معنى الكلمة… يكسر الخاطر
يحسب الناس زيه…ونسى انه فيه الظالم والجاحد
والحاقد والحاسد…والجائر
ونهايته…نظرة الناس له نظرة شفقة واحسان
مخلص ووفي
يحفظ عهده… ويوفي وعده
لكنه منبوذ.. يتحاشوه الشباب…
لانه مخلص ووفي…معاهم حق يتحاشوه اخلاق ودين*
عن المحارم غض عينه
واثار الايمان على جبينه
بكل مكان وباي زمان
الرومانسي
لا يريد شيء غير الحب
وان الحبيب يسكن القلب
و اذا حب… يرفع حبيبه فوق فوق
وغالبا يكون الحبيب قليل حيا وذوق
يحب من قلب
يمد يده بالوفا.. ويكون جزاه غدر
ويتباهى بحبيبه من المغرب والى العصر
حتى لو باعه حبيبه… ينقذه بروحه
ولا يبالي ان كان حبيبه زود جروحه
ولا يشتكيه حتى لو ظلمه
و يعطي حبيبه من افراحه… ولا يزيد من جراحه
ومؤمن تقي
هو دايما معلق قلبه بذكر الله
ولا يخلو كلامة من الصلاة على رسول الله
كلامة مقرون بقال الله وقال الرسول
يبتعد عن الشبهات ويترفع عن الزلات
المصدر: معهد هاك - من قسم: عام - نقاش - اخبار - General - Discussion - News
حبيت اشاركم بقصيده شعبيه ليبيه هي اروع ما يكون في تصنيف الناس واوصافهم وارجو ان تنال اعجابكم:
هناك ناس تكرههم من اوّل ليله
............................................................................
* * *
هناك ناس تكرههم من اوّل ليله
وهناك ناس ما يهُونوا سْنين طويله
* * *
هناك ناس حبايب
وهناك ناس تكرهْم بْغير سبايب
ولا عقل عامر كيف عقل الخايب
ولا وْجوه تَنْدى كي وجوه بخيله
* * *
هناك ناس يا مَحْلاهم
وهناك ناس ما تَقْدر تعيش بلاهم
وهناك ناس حسْدِيَّه وسُود نْياهم
ثْياب بِيض من بَرَّه وجَوَّه نِيله
* * *
هناك ناس غَوالي
حتى ان باعَدوا ما كَيفْهم لا والي
حمَّالين للسَّيَّه بْطَوعة بالي
علي خطّْهم ما عندهم تحْويله
وهناك ناس عشْرتْهم خَطَا طَوّالي
مكتوب في جباهِهم خَراب العَيله
وهناك ناس تعْزم واليدَيْن خَوالي
وهناك ناس تَبْخل والجّيُوب ثقيله
هدايات مالرّب الكريم العالي
وبُو طَبْع ما تنفع مْعاه الحيله
* * *
هناك ناس ما تَقْبلهم
وهناك ناس لك غايه تْجول لْهَلهم
وهناك ناس لا دارَوْا خَطَا تحملهم
وهناك ناس في عَقْلك لهم تجْفيله
وهناك ناس عالحَيِّين لا تجْملْهم
اللي تْجيك منهم مالْها تبديله
ولا يفْرقْوا ظنِّي الا بْعَمَلْهم
ما حَدْ علي التّسْعه مْزَوّد لَيْله
وهناك ناس ما يَنْسوا اللي صارْلهم
يردُّوه بعْباره ووافي كَيْله
وهناك ناس لا هبّْ الهْبوب خَبَلْهم
ونسْيَوا اللي عدَّى وضاع جميله
ولا خير في اللي ما يْبات عَلَلْهم
ولا في الخَلِيل ان كان فاتْ خليله
* * *
هناك ناس يا مَبهاهم
وهناك ناس تُوعدْهم وما تَلقاهم
وان قابلتهم تَلقى العَذَارْ معاهم
مْجَهّْزيَّنه ما عندهم تعْطيله
كلامْهم اللي قالَوْه ضدّ نْياهم
ان كان بَحّروا ينْوُوا على التّقبِيله
احتار في مْوَدّتهم اللي ماشاهم
مربّْيِينَّه شاطب وحَار دليله
لصحاب كيف في صفّ العدو تلقاهم
صحْبتْهم مْعاك مغير نَصْب وحِيله
قِريب نقْصهم منَّك بعيد وفاهم
مَشْيُول عالدّبَر في حمْلهم تمْيِيله
مفتوح عالخْساره بَيْعهم وشْراهم
السّتْرَه مْع بو صَحْبَين قليله
* * *
هناك ناس اماره
وهناك ناس ما ظنِّي يساوُوا باره
وهناك ناس تلقى سَعْيهم في الكاره
وأرزاق واجْدَه غير النّفوس بخيله
والمال في قليل العزْم راهْ خْساره
حتى وهُو حَكيم بعلْم في تعديله
وهناك الفقير وما يسَيّب عاره
حتى إن كان ما عنده الْيَدّ طويله
وإن ما كان في جَيْبه قضي من جاره
علي قيْس نِيتَه ربّْنا يعطي له
مَوْكار الصْقُوره ما تْجيه حْبَارى
ولا مْرَوّمَه تَلْحَق ثمَنْ لاِصيله
وحظّك اللي ترْميه مالبذّاره
يَطْلع بْعَينه تحْصدَه وتْشِيله
والجَّدِي لو تقَوَّى نين فات حَكاره
ان يَبْقى علي شَيْل الحْمُول هَزيله
وشْوف الجمّل حتى إن خفّ عْباره
صِليبه علي حمْلَه اخْرى ترْمِي له
شديد العَصَب حَمَّال في مشواره
قطّاع الفيافي وين مَدّ رحيله
إن راد ربّْنا ما حَدْ يسيِّب كاره
الرّاس راسْ والواطي ان زال وذيله
* * *
هناك ناس يا مَبسَلْهم
لا غَريب يَقْبلهم ولا من هَمْهم
وهناك ناس في الحَيِّين شَيْن عَملْهم
ذكَرْ نخِيل لا رَمْيَه ولا تظْلِيله
عَلْقم وحَنْظل وين ما تاكلهم
وان رافقتهم يبْقَوا عليك عَدِيله
وان نازلتهم بالدّار جار لْهَلهم
علَيْ عيْب عَيّل يجْردُوا بالعَيْله
علي جارهم ديما يزيد عَلَلهم
قْلال الْعنَا لا جَتْ الدَّلو ثقيله
* * *
هناك ناس تكرههم من اوّل ليله
وهناك ناس ما يهُونوا سْنين طويله
شن رائكم ؟
| |
|
